Εὐχαριστήριος μαθητῆ εἰς τήν λῆξιν τῶν φιλολογικῶν καί θεολογικῶν μαθημάτων τῆς ΕΣΤΙΑΣ ΠΑΤΕΡΙΚΩΝ ΜΕΛΕΤΩΝ. Ἔτος 2022-2023

Ἐπί τῷ Θεῷ αἰνέσω ρῆμα, ἐπί τῷ Κυρίῳ αἰνέσω λόγον. – Ψαλμός ΝΕ΄ (ΝΣΤ΄)  στίχ. 11

ΠΕΡΙ ΠΑΙΔΕΙΑΣ ΚΑΙ ΔΙΔΑΣΚΑΛΩΝ

Σεβαστοί Πατέρες καί ἐλλογιμώτατοι ἡμῶν καθηγηταί,

Δόξα τῷ Τριαδικῷ Κυρίῳ καί Θεῷ ἡμῶν.

[ΑΚΟΛΟΥΘΕΙ ΕΟΡΤΑΣΤΙΚΟ ΒΙΝΤΕΟ ἡ λήξη ἐμπεριεῖχε - ἐκτός ἀπό τή συνολική ἐκτίμηση τοῦ ἔργου τῆς χρονιᾶς, τήν ἀπονομή τίτλων καί ἐνθυμίων, τίς ἐκφωνήσεις ὁμιλιῶν καί ἀποχαιρετιστηρίων, - μία ἔκπληξη, ἕνα ἐξαιρετικό μουσικό ζωντανό πρόγραμμα μέ σχετικά γιά τήν περίσταση τραγούδια, τά ὁποῖα καί ἀπαθανατίσαμε διά τῆς παρακάτω ὀπτικοακουστικῆς τεχνικῆς καλύψεως].

«Παιδεία καθάπερ εὐδαίμων χώρα πάντα τά ἀγαθά φέρει» Σωκράτης περί παιδείας κηρύττει  καί «Παιδεία τοῖς μέν νέοις σωφροσύνη, τοῖς δέ πένησι πλοῦτος, τοῖς δέ πλουσίοις κόσμος»  Διογένης ὁ κυνικός διακηρύττει.

Συνωδά τούτοις δέ ὁ ἐν Ἁγίοις πατήρ ἡμῶν Ἰωάννης Χρυσόστομος περί παιδείας τάδε φρονεῖ: «Καί γάρ ἄτοπον τήν μέν οἰκίαν μηδέποτε ἀνέχεσθαι ἐν ἑσπέρᾳ χωρίς λύχνου καί φωτός ὁρᾶν, τήν δέ ψυχήν ἔρημον διδασκαλίας ὁρᾶν», ὁ δέ μέγας ἐν Ἱεράρχαις καί θεοφόρος πατήρ ἡμῶν Βασίλειος «Παιδεία μόνη τῶν κτημάτων ἀναφαίρετος καί ζῶντι καί τελευτήσαντι παραμένουσα», εὐσεβοφρόνως διδάσκει.

Αὕτη ἐστίν ἡ τῶν σοφῶν καί πατέρων ἡμῶν περί παιδείας διδασκαλία καί πρόδηλος ἐξ αὐτῆς τυγχάνει ἡ διά τόν ἄνθρωπον ὠφέλεια.

Πρός τούτοις, εἴ τις ἐβούλετο συμπληρῶσαι τί περί τῆς ἀρχῆς τοῦ ὀρθῶς καί καλῶς μανθάνειν, τόν  τοῦ φιλοσόφου Ἐπικτήτου λόγον  ἔδει ἐνθυμηθῆναι, ὅστις ταῦτα εἴρηκεν «Τί πρῶτον ἐστίν ἔργον τοῦ φιλοσοφοῦντος; ἀποβάλειν οἴησιν, ἀμήχανον γάρ ἅ τίς εἰδέναι οἴεται ταῦτα ἄρξασθαι μανθάνειν».

Ἀλλ΄ οὐ μόνον ὁ τῆς φιλοσοφίας ἔρως καί τό ἀποβάλλειν οἴησιν ἱκανά πρός τό σοφόν ποιεῖν τινα: ὡς γάρ φησίν ὁ ἄριστος τῶν διδασκάλων, Πλούταρχος «Διδασκάλους ζητητέον τοῖς τέκνοις οἱ καί τοῖς βίοις εἰσίν ἀδιάβλητοι καί τοῖς τρόποις  ἀνεπίληπτοι καί ταῖς ἐμπειρίαις ἄριστοι. Πηγή γάρ καί ῥίζα καλοκαγαθίας τό νομίμου τυχεῖν παιδείας».

Καί ἐν ἑνί λόγῳ Συγκεφαλαιοῦντες οὔν καί μή τοῖς λόγοις φλυαροῦντες, ἡμεῖς οἱ ἐν τῇ τῶν Πατερικῶν Μελετῶν Ἑστίᾳ, τήν τῆς ἀρχαίας γραμματείας τήν γνῶσιν εὑρεῖν ἐπιζητοῦντες, τύχῃ ἀγαθῇ θεόθεν ἐσμέν πεπροικισμένοι.

Διττῆς εὐλογίας γάρ, παιδείας τε κρείττονος καί διδασκάλων ἀρίστων ἀπολαμβάνομεν, τῇ χάριτι καί τῇ ἀγαθῇ προνοίᾳ τοῦ Κυρίου καί Θεοῦ ἡμῶν καί τῆς Ὑπεραγίας Θεοτόκου καί διά τῶν πρεσβειῶν τοῦ πνευματικοῦ ἡμῶν πατρός καί διδασκάλου Σαράντου τοῦ ἀγαθοῦ λευΐτου, τοῦ καί τῆς Ἑστίας ταύτης κτίτορος καί προστάτου, ὅς ἐν τῷ φωτί τοῦ Κυρίου καί Θεοῦ καί Σωτῆρος ἡμῶν νῦν ἀναπαύεται πρεσβεύων καί ἐντυγχάνων ὑπέρ ἡμῶν.

Σεβαστοί μας πατέρες καί καθηγηταί, πατέρα Βασίλειε, πρεσβυτέρα Μαρία καί ἐλλογιμώτατοι κ.κ. Κωνσταντῖνε Μανουσόπουλε καί Θεόδωρε Γόγολε, δεχθῆτε, σᾶς παρακαλοῦμε, τάς ἐκ βάθους τῶν καρδιῶν  ἡμῶν διαπύρους εὐχαριστίας, διά τάς ἀόκνους ὑμῶν προσπαθείας τῆς μεταλαμπαδεύσεως τῆς γνώσεως καί τῆς διαπλάσεως τοῦ ἤθους ἡμῶν ἐπί τό χριστιανικώτερον  προσέτι δέ δεχθῆτε καί τάς εὐχάς ἡμῶν ὑπέρ ὑγείας κατ΄ἄμφω.

Ὑμεῖς δέ φίλτατοι συσπουδασταί τοῦ ἠγαπημένου πατρός καί προστάτου Σαράντου τόν ἀνεπίληπτον βίον  ὁδηγόν καί παράδειγμα ἄς ἔχωμεν συνάμα δέ καί τό τοῦ Δαυίδ ψαλμικόν ἄς ἐννοῶμεν «Δράξασθε παιδείας, μήποτε ὀργισθῇ Κύριος καί ἀπολῆσθε ἐξ ὁδοῦ δικαίας» (Ψαλμός Β΄ , στίχ. 12).

Μετά διαπύρων πρός πάντας εὐχαριστιῶν,

ὁ μαθητής καί συσπουδαστής ὑμῶν

Κ. Ἰ. Γεωργίου